Centro Nacional de Xenotipado

cegen

Tfno: 981955191
e-mail: coordinacion.cegen@usc.es

 

Integrado no grupo está un nodo do Centro Nacional de Genotipado (CeGen), actualmente na estrutura da Plataforma en Rede de Recursos Biomoleculares e Bioinformáticos (PRB2) financiada polo Instituto de Saúde Carlos III.

O obxectivo do centro é ofrecer xenotipado de alto rendemento de SNPs (do inglés SingleNucleotidePolymorphisms), CNVs (do inglés CopyNumberVariations) e InDels (do inglés Insertions and Deletions) e análise de metilación do ADN, a grande escala e baixo custo, tanto en humanos como en calquera outra especie animal ou vexetal.

O nodo do  CEGEN ten varias plataformas de xenotipado de alto rendemento: MassArray (AgenaBioscience), GeneChip e Axiom (Affymetrix) e SureScanMicroarrayScanner (Agilent Technologies).

Desde o CeGen-ISCIII ofrécense os seguintes servizos:

1. Pre-xenotipado:

  • Soporte na selección de SNPs, CNV, e/ou indels de rexións ou xenes de interese previamente establecidos polo investigador.
  • Asesoramento sobre a tecnoloxía de xenotipado máis conveniente para cada proxecto.
  • Servizos complementarios ao xenotipado: extracción, cuantificación, normalización, amplificación, purificación e verificación da integridade do ADN.

2. Xenotipado

Na actualidade, o CeGen-ISCIII dispón de oito plataformas tecnolóxicas para levar a cabo estudos de xenotipado a grande escala que permiten facer desde unha análise do xenoma completo ata un xenotipado a medida. Segundo o número de SNPs,CNVs e/ou InDels, o número de mostras que se desexa analizar e a flexibilidade á hora de elixir marcadores, seleccionarase unha das tecnoloxías dispoñibles.

3. Post-xenotipado

  • Asesoramento científico.
  • Apoio en ferramentas de análise dos resultados do xenotipado.

Uso de cookies

Este sitio web utiliza cookies para que vostede teña a mellor experiencia de usuario. Se segue navigando está dando o seu consentimento para a aceptación das mencionadas cookies e a aceptación da nosa política de cookies, prema o enlace para máis información.

ACEPTAR
Aviso de cookies