Xenética Forense

   

Investigadora Principal: Mª Victoria Lareu Huidobro

DSCF2380 pruebas forense

A xenética forense é a disciplina científica que utiliza as ferramentas e o coñecemento científico actual no campo da xenética para a identificación dos individuos a partir da análise do ADN.

En moitos casos, a identificación de persoas e o establecemento de relacións biolóxicas é un elemento esencial para resolver problemas de diverso tipo (relacións de paternidade ou parentesco, identificación de antepasados, procesos de reagrupamento familiar, adopcións, desaparicións), mesmo de repercusións xudiciais penais (identificación de sospeitosos de crimes violentos, asaltos sexuais…).

O Grupo de Medicina Xenómica investiga a identificación de novos marcadores moleculares que faciliten a identificación baseándose a características morfolóxicas (pigmentación cutánea, cor de ollos, etc), identificación xenética de orixes xeográficas, etc. Por iso os nosos servizos analíticos e o noso asesoramento experto son requiridos polos principais corpos policiais do mundo para a resolución dos casos máis complicados.

Nesta área actualmente estamos a traballar nas aplicacións forenses dos SNPs, incluíndo o diagnóstico en material degradado ou en baixo número de copias, a investigación sobre a orixe xeográfica de mostras biolóxicas, análises de características físicas a partir de mostras biolóxicas, aplicacións de ADN mitocondrial e marcadores xenéticos de cromosomas sexuais para casos forenses.

Entre os desenvolvementos metodolóxicos que levamos a cabo, podemos mencionar o desenvolvemento de novos multiplexes e métodos de xenotipado e en mostras degradadas.

 

Uso de cookies

Este sitio web utiliza cookies para que vostede teña a mellor experiencia de usuario. Se segue navigando está dando o seu consentimento para a aceptación das mencionadas cookies e a aceptación da nosa política de cookies, prema o enlace para máis información.

ACEPTAR
Aviso de cookies