Mª Jesús Sobrido Gómez

MJ-Sobrido_322150

Licenciada en Medicina pola USC con premio extraordinario. Especialización en Neuroloxía e Premio Fin de Residencia. Doutora pola USC en 1999 con cualificación de Sobresaliente Cum Laude. Bolseira da Fundación Pedro Barrié de la Maza para realizar investigación posdoutoramento laboratorio do Dr. DH Geschwind (1999-2001). Fellowship en Neuroxenética por UCLA. Estancias formativas en Santa Creu i San Pau (Barcelona), Los Andes (Venezuela) e Aachen (Alemaña), e universidades de Braunschweig e Mannheim. Fellow do Board Europeo de Neuroloxía.

Traballou no Servizo de Neuroloxía do Hospital Univ. de Salamanca antes de incorporarse como investigadora Miguel Servet para dirixir o grupo de investigación en xenética de enfermidades neurolóxicas do Instituto de Investigacións Sanitarias de Santiago (IDIS).

Membro da Soc. Galega de Neuroloxía, Soc. Española de Neuroloxía (SEN), Asoc. Española de Xenética Humana, American Academy of Neurology, European Academy o fNeurology, EuropeanSoc.HumanGenetics (membro do comité científico) e AmericanSocHumanGenetics. Na SEN foi coordinadora do grupo de neuroxenética. Actualmente coordina a comisión de ataxias e paraparesias, pertence ao grupo de enfermidades xenéticas e metabólicas da Academia Europea de Neuroloxía e ao Human Variome Project.

Forma parte do CIBERER e participa no consorcio IRDiC sobre enfermidades raras. Revisora para a ANEP e numerosas revistas científicas. Pertence ao comité editorial de Human Mutation e Applied and Translational Genomics. Asesora científica da Federación Europea de Paraparesia Espástica Familiar e da US Spastic Paraplegia Foundation.

Dirixiu teses de doutoramento e máster, leva publicado uns 80 artigos científicos e impartido conferencias e cursos en congresos nacionais e internacionais, así como en diversas universidades.

As súas liñas de traballo son as bases moleculares de enfermidades neurodexenerativas (especialmente ataxias e paraparesias espásticas) e a implementación de novas tecnoloxías xenómicas, así como os aspectos éticos, legais e sociais da súa translación ao paciente.

Participa no desenvolvemento de bases de datos e outras ferramentas informáticas para optimizar os procesos diagnósticos. Principais achegas do grupo: identificación da causa xenética da ataxia da Costa da Morte e caracterización clínica, cognitiva, neurofisiolóxica e de neuroimaxe destes pacientes; a posta a piques de técnicas diagnósticas para neuroloxía (estudos de doses xénica, análises de expansións, secuenciación masiva de paneis de xenes (paraparesia, enf. neurometabólicas) e exomas completos.

Os seus traballos incorporan de forma profunda e dedicada coñecementos e técnicas informáticas imprescindibles para aMedicina Xenómica actual. O futuro da investigación molecular das enfermidades, ademais da potencialidade para obter resultados transferibles, sen dúbida pasa polo dominio das ferramentas computerizadas.

O grupo de neuroxenética que se construíu ao redor da Dra. Sobrido está precisamente en posición de integrar coñecementos xenómicos (Quintáns, Blanco-Arias, García-Murias) coa neuroloxía clínica (Arias, Pardo, Sesar, García-Sobrino) e desenvolvemento cognitivo (Fernández-Prieto), así como co campo da enxeñaría informática e minería de datos (colaboración con MJ Taboada).