Identifican novas causas xenéticas do autismo

Click para ver video orixinal

Os últimos avances científicos sobre o autismo permiten mellorar o diagnóstico xenético deste trastorno que lle afecta ao un por cento da poboación. Un grupo de investigadores galegos, coordinados polo profesor Ánxel Carracedo participan no estudo internacional que logrou descifrar unha nova causa do autismo.

A orixe dos trastornos do espectro autista é aínda un crebacabezas incompleto para a ciencia. Trátase dunha doenza cun compoñemente xenético importante na que poden estar involucrados máis de 200 xenes.

Un recente estudo internacional no que participaron investigadores galegos supuxo un avance no diagnóstico da enfermidade. Por primeira vez, os científicos atoparon unhas mutacións concretas do ADN que nos son herdadas dos pais, que se producen nas primeiras fases de desenvolvemento embrionario e que explican algúns dos casos de autismo.

«Conseguimos cun equipo americano un método para identificar estas mutuacións, que non afectan a todo o organismo e que coñecemos como mosaico» hoxe podemos chegar a diagnosticar os nenos que teñen este transtorno nun 40 por cento dos casos», di o profesor Ánxel Carracedo.

O sesenta por cento dos nenos con autismo van desenvolver outra enfermidade asociada.

«É moi important este estudo para conseguir mellores diagnósticos que nos leve a terapias máis orientadas», asegura a psicologa Montserrat Fenrnández.

Os expertos insisten na importancia do diagnóstico xenético para predicir as posibles doenzas adicionais. «moitos rapaces que teñen TEA , teñen tamén esquizofrenia, epilesia…. Coñecer estas mutacións permitenos predicilas», apunta Ánxel Carracedo.

O autismo aféctalle ao un por cento da poboación e caracterízase por dificultades nas relacións sociais, alteracións da capacidade de comunicación, e dificultades cognitivas. «saber as causas é o primeiro paso para entendelo e para no futuro encontrar a sua cura, asegura Carracedo.

(Ver video orixinal)